牛年初六—逗利是篇

一返去，鞋都未换就见到海燕，我拿拿声冲埋去大大声咁“恭喜发财”然后指定动作，摊开只手，海燕好醒目咁攞出大个好精致嘅布袋，里面装满利是。

我好醒目咁问“系唔系好似雄哥咁抽啊？”
佢话“喺！”
我再问“系唔系有分大细啊？”
佢话“喺！”

我望咗望，见到入面有一小叠喺用橡皮筋绑住嘅利是，我笑笑口咁讲“绑得咁实，一定坚嘢！我要呢封！”跟手就喺橡皮筋绑住嘅利是里面抽咗一封。我见到海燕眼神有D无奈，我知道我得咗啦，抽到封正嘢，哈哈！！跟住我行出去换鞋，一边行一一边笑住咁讲“多谢海燕！哈哈哈。”

换完鞋就见到牛哥，我即刻扑埋去，捉住牛哥，讲几句新年贺语。牛哥好鬼祟咁“唔好咁大声，低调D，低调D！！”好似惊人知道佢结婚咁。真喺好鬼搞笑。

嘻嘻哈哈又过咗一个牛年嘅初六。