牛年初五

今日好多人黎我屋企拜年，差唔多成20个人，一早就要起身，帮屋企做家务，我平时真喺好少做家务，妈妈都话我家庭观念无乜，呢个可能亦喺我点解咁耐都未搵女朋友，未结婚嘅原因挂！！

整咗D姜蓉，切咗D葱花，用嚟做打边炉嘅配料。剩下等待妈妈买菜，买鸡返黎准备中午打边炉嘅材料。（年年都喺咁上下流程，中午系我屋企打边炉，下午去我阿姨度拜年，晚上一齐出去食饭，钱就喺我地同阿姨屋企就喺一齐share）今年亦唔例外。

差唔多11点左右，亲戚陆陆续续咁到，忙住招呼人，自己都未得闲食。不过好难得咁多亲戚嚟拜年，话晒都一年一次。到下午2点左右，我就过去阿姨度，今日手风唔系咁顺，输咗十几蚊，不过总数计落都无输，仲赢三十几蚊。

听日就返去应付式上班，其实就喺逗利是。真喺唔想返工啊！~~~~