牛年初八

下午两点同朋友一齐仁威庙拜太岁，对呢D嘢唔系好熟悉，好在有朋友教我，顺便又求咗支签，喺下签，主要都系叫我万事小心，凡事都需提防。 拜完都未到三点，所以我就同朋友行恒宝，途中拖佢手，佢话咁样好似做紧错事。我楞了一楞，我何尝唔惊啊！但我地始终都系手拖手行街。其实选择伴侣在乎对方年纪，外貌，同过去咩？呢个问题喺行完街，喺坐车果时不断咁问自己，特别当我闻到我只手沾满佢只手嘅香气时，思绪更加乱。 谂吓谂吓，到站啦，约咗大专同学食饭，由于系组织者所以特别早到，个个变化都几大，有D嘢唔讲我真喺估唔到。如果过几年，我地相识十周年再次出黎，我地会唔会带埋自己老婆，老公，仔女出黎聚会呢？喺嘅话，到时应该都要摆几围啦！！~呵呵