重装浏览器

我而家喺用紧ADSL，最近觉得上网成日打唔开网页，我觉得喺可能电信机房维护做得唔好，所以打电话到10000报故障，我大概1点打，2点左右有个技术人员回复我，我同佢讲咗下情况，我坚称我电脑喺无问题嘅，咁佢就话将我嘅端口改过，大概到3点半左右，端口就改好啦，我再次上网，发现问题仍然存在，技术人员就教我喺“运行”果度ping 一下服务器，睇吓数据传送正唔正常，ping 过，状态正常，咁我就开始怀疑我浏览器问题。老实讲，其实都几唔好意思，因为一开始我就坚称我浏览器内核无损坏到，电脑无病毒，咁技术人员先会同我改端口，而家改咗，都喺咁，要人地搞咗成个几钟。咁无办法啦，我唯有重装过浏览器，因为我用嘅喺firefox，需要用到一D插件，所以重装都几麻烦，我懒得麻烦，就选择咗五个经常用嘅插件安装就算啦，其中两个喺最为紧要嘅喺foxmarks 同 google toolbar。foxmarks喺同步我嘅 bookmark 书签，我所有上网记录而家都喺晒上面，至于toolbar喺方便我浏览。仲有 add to search bar 可以将我中意嘅搜索引擎集中喺firefox嘅 搜索栏，方便我搵资料。iamge zoom 就喺可以喺浏览过程中将图片自由放大同缩小。另外仲有一个就系google gears，不过呢个xp系统之前已经安装咗，唔需要安装，一共五个插件，其他都唔装啦，费事到时重装麻烦啊！！而家嘅delicious bookmarks比较少用，多数用 google notebook ，真喺几好用架~~

最后提一提，喺大概四点左右，中国电信嘅荔湾分局再俾过电话嚟，睇吓我报故障嘅情况处理成点，中国电信嘅效率而家都几高窝，不过唔知喺唔喺节日嘅关系，无人喺屋企上网同埋咁鬼得闲报故障！呵呵