初出茅庐嘅厨师

睇咗《料理新鲜人》两集，同我而家睇紧嘅另一套日剧《铁板少女》好唔同。《铁板少女》好明显就喺好似漫画咁，有好多电脑特技，讲嘅嘢都好唔现实，每一集都系果个对头人，睇多几集都觉得好闷吓。《料理新鲜人》就好唔同，好有共鸣，可能同我本身嘅工作经历有关。1997年我陶陶居实习。1998年8月就喺荔江做。刚入去，真系咩都唔识，当时做打荷，跟嘅师傅本身就唔喺咁好，俾人叼当喺家常便饭，咁大个仔都未试过咁样，情况其实同《料》剧中的男主角有D相似，不过我就无咁傲慢。试过有几次晚上失眠训唔着，静静咁流眼泪。但是我都做咗成年。一年后，荔江装修，我亦跟住无做啦！！当时月收入945蚊。期间有大概半年我身上出红点（当时睇医生话喺皮肤病嘅一种，喺因为我抵抗力差嘅原因，但我都依然坚持继续做落去）而家谂返起，如果我当时无坚持做厨师呢行，可能又会有唔同嘅人生。

唔知点解突然咁有感触，会写D咁嘅嘢，我一向比较内敛。好少将自己嘅嘢话俾人听，好多嘢即使老豆老母都唔知道！但是我觉得写咗出嚟会舒服D！