终于办咗羊城通月票啦

寻日我见得闲，晚上先喺打羽毛球，所以我就去办羊城通月票卡，88蚊90次果种，因为我嘅羊城通喺一面黄色，一面喺飞利浦嘅广告图片，唔知道可唔可以换普通月票卡，所以我就带埋阿妈果张羊城通过去，我阿妈果张就喺两面都系黄色嘅押金卡，一定可以换嘅。到时我果张换唔到，就用我阿妈果张换咯。我去到人民路果间羊城通中心，好鬼多人啊！！有成40几个人喺度咨询同排队充值，办业务。睇见咁嘅阵势，我差Ｄ就想调头走啊，不过都嚟到啦，就排队咯，排咗一阵就换咗月票卡啦。跟住我想充值，而家无人工充值，得果两部机充值，我见到有十几个人喺度排队，个个都唔识用部机充值，要等隔离嘅工作人员一步一步咁教，有排等啦！！反正7-11其他地方都有得充值（只要升咗级就可以了）我就唔等啦，反正我仲有地方要去，打算过去陵园西睇下D手机！

我返过去中六果度坐地铁，点知用我果张新嘅羊城通普通月票卡“嘟”唔到，机器提示我过去票务处，我即刻过去问咩事，个票务员话我张卡无钱，我就奇怪啦，明明我张卡仲有钱，办换卡果时，个靚女都话D钱已经转咗过去新卡度，点会咁？？我仲拿出我办转卡嘅单据，话我刚刚喺人民北羊城通办，有咩可能。个票务员话唔知道佢果边嘅程序点做，但是而家系统显示金额就喺0，讲完就调转个液晶屏俾我睇个金额。咁无办法，我就唯有掉返转头搵果个靚女营业员啦。同个靚女讲一讲我嘅情况，佢睇咗睇就话我张卡有故障，叫我排另外一条队，喺专门处理故障卡嘅。我无奈地行过去排，大概10分钟左右，终于将原来嘅钱入返去新卡度啦，我查一下，啱数啦。喺呢十分钟期间，我后面有个肥婆不断咁烦住个营业员，问东问西，退卡点退啊？几时可以退，咩地址？点充值？等。顶~~！处理完我D嘢先到你，好唔好！~

我搞掂之后就排队充埋值啦，果时就无咁多人，得4，5个左右，我充埋值之后，再去检查充值余额，费事又出咩问题，行嚟行去啦！成个过程差唔多有30几分钟，不过终于办咗羊城通月票啦。

对于羊城通可能对于今次月票宣传唔系咁到位，好多人都唔系咁清楚。喺我处理故障卡等嘅十分钟，有好多人嚟咨询，其实都系果几个问题，如果之前做好D宣传介绍，就唔使咁混乱咁啦！

非洲，真喺辛苦你啦。