番禺南沙食海鲜

本身我，陈东杰，莹莹，阿斯，芳芳，丹丹6个之前就有800蚊经费，加上小莉，华哥，阳阳，Gary4个，一人一百，一共1200，打算喺18号晚上过去黄沙食海鲜，为咗食呢餐，我连无凌群嘅聚会中午去青年公园BBQ都推咗，就系为咗去黄沙食海鲜。点知到咗大概下午17：50，Gary发咗条信息“今次聚餐取消”。我睇到成个人呆了一下。即系问“点解？”Gary就讲华华同阳阳有事，所以唔嚟，要等下星期六先。顶！！~呢个聚餐我等咗成三个月先等到，而家叫人等多一个星期，真喺激鬼气啊！~

咁无办法啦，个个都出咗嚟啦，咁就一起去天成食酸菜鱼。赵云，癫凤同彩云见到咁多人去，都凑热闹去埋。我哋去坐813好快就到河南，但是果间天成要行好耐好入先到，可能星期六挂，仲要等位等咗一阵先有位。我哋要咗间房，但是另外一围人同房，佢地有几个细路仔喺度玩，好吵，好烦，想倾计都倾唔到！终于等到上菜了，老实讲，D嘢麻麻地，唔算好食亦唔算难食。不过搞到八点几先食，肚饿到鬼咁，都唔理咁多咯，求其食完就算啦。食完之后陈东杰同赵云就撩D人打麻将，彩云，癫凤，丹丹就返屋企先。Gary，陈东杰，赵云，阿莹，阿斯同我就去附近麻将馆打，由于无订房无枱，我哋就打的去阿斯屋企附近嘅麻将馆打。去到都无房，只喺大厅有几张空枱，无办法，费事走嚟走去，一路喺大厅打，一路等房咯。

老实讲对于麻将，我会打，但唔算十分喜欢打。间五中只系陪朋友玩下。所以我无落场打，净喺睇杨佩莹打，因为佢唔系咁识。打咗一阵，阿斯叫埋佢细佬过嚟仲有一个朋友，呢个真系佢细佬，上次去堂会嘅就应该喺佢男朋友，唔系佢讲嘅所谓细佬。

我18日凌晨2点训，18号早上6点就起身同范晓琴倾QQ，一直都唔休息过，我睇咗一阵就训着咗，到我醒返果时已经2点几。打到三点几埋单走啦！阿斯已经同佢细佬返咗屋企训觉，叫阿莹打完就俾电话佢，等佢接阿莹返屋企训一晚，点知我哋打咗好多次都无人听，原嚟死人阿斯自己训着咗，听唔到电话，真系俾佢激死啊！！安顿咗阿莹之后，我哋就各自散啦！我本来打算同陈东杰一齐打的返屋企，中途放低陈东杰嘅，但赵云就约我不如19号同佢朋友一齐过去番禺南沙食海鲜啦，我谂吓都好窝，18号晚无食到，19号补返数都好啊。所以就应承咗佢。我就无返屋企，直接过赵云屋企训一晚。

我哋打的返赵云屋企，原来赵云屋企就喺我以前读大专嘅学校附近。喺赵云屋企打地铺，不过我都习惯啦，喺屋企有时我都喺咁，有床都唔训，训地下。训到19号早上7点几。我醒咗，因为我知道寻晚我唔返屋企，我无打电话返屋企，屋企会担心，所以我就一早打返屋企报个平安先，跟住同佢讲埋我今日过去番禺。

赵云嘅父母，对人好好，攞埋毛巾同牙刷俾我。我好耐都未试过喺朋友屋企过夜，好warm，好感动！洗完面，刷完牙。我就继续训。。。一直训到9点，9点半就出门口，去地铁站等赵云嘅三个朋友，两女一男。

一倾开原来佢地都系cable做嘅，即刻勾起我好多回忆，cti，cable，pccw，熟悉嘅人一听就知道喺咩嚟。我哋坐到万胜围再转地铁四号线，我都系第一次坐四号线，四号线很长的路线都喺响桥度行，速度唔算太快，比起在地下慢好多，不过也正好让我慢慢欣赏番禺的风景。突然我见到一个很熟悉的足球场和篮球场，问赵云那里是什么地方，原来果度就系我在非典时间工作过的女子学院。当时我做那里的饭堂，做得唔算耐，只有两三个月。但是在那里的网吧是我第一次上QQ，并且打算在那里工作到暑假之后就报读电大，进修自己。那段时间是我人生比较特别嘅阶段。地铁一路行，一路勾起我好多好多回忆，发觉自己以前好 on 居，天真。真系好笑！！

四号线每个车站都要行好耐先一个站，大概坐咗差唔多一个钟，我哋就系地铁黄阁汽车城站落，由于车程太耐啦，要去过厕所，点知道地铁嘅设计好奇怪，出咗嚟就无厕所，要麻烦地铁工作人员开特别通道俾我哋去厕所。喺果度搞咗好耐先再出发，附近其实就系362车嘅总站。4蚊一个人！我哋就从总站坐到总站百万葵园。又坐咗差唔多一个钟，真喺闷到痴线啊！！不过睇在海鲜嘅份上，我忍你。。。

到咗百万葵园，我哋再打摩托入去，两个人一部车，六蚊。其实如果喺星期一至五只需要5蚊，但是星期六日就提价到六蚊。坐咗大概5分钟，终于到咗19涌，我哋嘅目的地。好在赵云嘅朋友之前嚟过两次，好熟，如果唔系就成只盲头乌蝇咁，乱咁撞。我哋就兵分两路，一边就买海鲜，一边就搵位，可能我哋比较迟嚟，果时已经点几，差唔多两点啦，要等好耐先有位，而我中意嘅濑尿虾亦都无得买啦！真喺可惜！搞咗成半个几钟，终于等到有枱啦，而且海鲜亦买完啦。我哋拿拿声攞去俾果度厨房落单，好正嘅海鲜准备有得食啦。呵呵~！等咁耐都值得嘅。

果度环境虽然麻麻地，不过价钱就比较公道。

首先上菜嘅喺丝瓜滚蚬汤，无乜味精，好鲜，佢地话无乜味，我觉得唔错啊，无乜味精，好鲜啊，我一向食嘢都唔咸，但人地觉得我好咸。。。

跟住嘅喺白酌九节虾，好爽，好鲜甜！虾，我一向中意白酌，可以保留虾嘅鲜味，至于美极虾同芝士焗虾，我一向麻麻地，觉得咁样做会抢咗虾嘅鲜味。而且我食白酌虾嘅时候咩嘢都唔使落，原汁原味！正啊！~

再有炒圣子，蒸带子，炒青菜。圣子有沙，带子蒸太熟啦，有D韧，不过贝壳类蒸耐D好嘅，惊住唔卫生，青菜算唔错，有镬气！！

最过瘾就要算原只蒸膏蟹啦，好有快感，味道又够鲜，虽然膏唔算十分多，但都好有满足感，未试过可以好残暴咁剥开一只蟹，慢慢食。净喺呢只蟹都值得我嚟啊！

最唔抵就系白酌八爪鱼，可能我哋食唔惯啦，好韧，韧得嚟又有D滑，感觉好怪，我哋叫佢攞返去厨房返兜咗两次都系咁样，又韧又滑，下次都唔好点八爪鱼食啦！

我哋食完之后计咗一下数，买海鲜每人就50，加工费就20，加埋去嘅车费一人40，一共110左右。



食完我哋就去南沙渔港行吓，睇下果度D风景，渔船，螃蟹。大概5点左右就坐车返广州。由于太攰嘅原因，喺362回程途中训咗一个好觉。好舒服！下次如果再嚟，我要早D去，大概7点就要去啦，食完海鲜就过去番禺嘅湿地公园睇下，拜下天后宫。。。