续集中的女主角

当一部电影卖座嘅时候，好多老细都会考虑再去开拍续集，好似《黑客帝国》咁，由第一集到第三集，都系果两个男女主角，男主角奇洛里维斯无咩点变，无点走样，而女主角就老咗好多，我仲记得第一集刚开始，女主角就好型咁，做低几个警察。 利用特殊嘅镜头画面拍摄，超型——跳起身 定格 画面旋转 出脚 一气呵成！！呢个拍摄手法喺当时好独特，搞到后来《霹雳娇娃》都学到十足十，郑中基喺《龙咁威》果度都扮佢嚟搞笑。

因男女生理原因，女人好多时候会比男人老得快好多，《黑客帝国》喺咁，美剧《越狱》又喺咁，米高条女喺第一季好正，但是做到第四季，真喺年华老去。

最令人痛心嘅是，莎朗史东居然仲去拍《本能2》，唔识得见好就收。《本能》拍嘅时候莎朗史东其实已经三张几嘢，不过佢保养得好，同性感嘅演出，所以好收得，成为佢成名之作。连星爷同梅艳芳嘅《龙过鸡年》都抄佢嘅剧情。《本能2》莎朗史东接近五十岁，毫无性感可言，破坏晒喺我心中嘅形象!!