机动部队-警例

机动部队-警例导演唔系杜琪峰，系罗永昌，杜琪峰只系做监制，不过拍得几好，继续之前第一集嘅风格，一步一步将所有事串联系一齐，当我睇到林雪同大麻成系厕所嘅对话，从大麻成被控伤人到被控谋杀，抢枪果时我就大概知道结局，做低大麻成就搞掂所有嘢，至于孖八亦顺理成章喺适当嘅时候做适当嘅嘢。

睇呢D香港小成本制作嘅电影反而会令人好容易进入导演嘅世界，令人忘记时间，忘记呼吸，全神贯注咁睇，呢D先系一部好嘅电影，好过一D只系拍风景，拍下D三点式靓女，随便偷几件所谓嘅稀世珍宝，钻石之类，同埋一D电脑特技就话系荷里活大片，大制作，睇到一半就唔想再睇落去！

罗永昌是银河映像嘅另一位导演，导演过《每当变幻时》《暗战2》《天生一对》。其实之前都睇过佢嘅电影，但是我一直都无点留意。

好开心有一个咁出色嘅导演，有时候真喺惊一D出色嘅导演随着年纪大啦，或者思维跳唔出自己嘅框框，再拍唔到令人眼前一亮嘅电影，咁我以后都唔知睇乜好啦！！

补充一句，罗永昌导演以前系杜其峰的御用剪接，怪唔知风格上好似，同游乃海一样，不过一个系编剧，一个系剪接。