长生不老好咩？

细个果时好渴望可以长生不老，与天地同寿，呵呵~~可能睇西游记多得制，如果我长生不老，我可以饱览群书，做世界上最有智慧既人，如果我拥有长生不老既身体，我可以永远不怕疾病，如果我有长生不老，可以环游全世界，但是后来慢慢意识到当自己睇住祖父母辈逐渐衰老，直到离开自己既时候，心情何等难过，当睇住父母离开自己又系一种心情，当睇住自己既朋友离开又系另一种心情。当自己每个亲人，朋友一个个离开自己，自己活着又有什么意思，无朋友，无亲人，开心既时候无人同你分享，失落既时候无人安慰你，孤独既时候无人陪你玩。果种感觉真系生不如死，渐渐地我明白罗宾.威廉斯既一部电影中所表达既野，果部电影我唔记得系咩名啦，系讲罗宾.威廉斯扮演机器人，拥有永恒既生命，当距睇住自己既主人，主人既女一个个离开自己，距恨自己点解系一个机器人，距知道果种感觉好难受，但是无泪腺喊唔出。到最后距同主人既孙女相爱，发明好多既人造器官，帮助其延续生命，保持青春，但最后女友拒绝再去进行更换器官延续生命，令到罗宾.威廉斯明白人生既意义，毅然放弃自己永恒既生命，将自己既变成一个有血有肉既人，并得到社会承认距系一个真正既人，最后同女友一齐在床上双双老死，成为世界上最老既人－终年二百几岁。罗宾.威廉斯拍既戏好多都系同时间有关既.例如“最令我深刻既一出戏系讲一个细路仔距既生理成长速度比正常人快四倍，当距既朋友十岁既时候，距已经系一个外表四十岁中年男子，但心智成熟只有十岁，电影前半部分可以令人感到非常有趣，好玩，但系到电影后半部分，罗宾.威廉斯随着年龄既增长，一d老人病亦随之而来，到同学大学毕业啦，响毕业典礼中，罗宾.威廉斯已经系一个八十岁既老人啦，可以想象罗宾.威廉斯余下既时日无多，睇到呢度唔多唔少都感觉到伤感。