牛年初三

11点去二舅父屋企打边炉，饮红酒，好靓嘅红酒

12点半到五舅父度，打算订房唱K，不过无房。表姐提议初七2点到五点订房，唱完先去食饭。当然系表姐请啦！！

订唔到房就唯有喺度锄D，赢咗四十几蚊。中途有个五舅父嘅同事嚟拜年，唔知系唔系见到我年纪比较大，所以无派利是俾我，我亦唔好意思问人攞，话晒都大人大姐啊！！睇黎我要检讨吓自己啦！！系检讨我而家点解仲未结婚还是我衣着太老气啦？？

然后去食晚饭。觉得果间酒楼嘅水准每况愈下，越黎越难食，唔知系唔系D师傅换咗人呢？好唔容易终于挨到食完，返到屋企，俾个电话阿num，之前佢同埋阿达话约我去打羽毛球，所以俾个电话佢落实吓。落实之后，无厘头又走过去同阿num放狗，个狗好鬼得意，我平时好少放狗，有D惊，不过都同只狗玩咗一阵。