从CET想到毕业

接到周老师电话，话我报唔到CET-4，突然有种放松，呢几年成日因为呢个烂鬼证考唔到而耿耿于怀，如今报考唔到，都算是了咗一件心事！！ 本科毕业 终于都毕业啦！！唔知道讲咩好。。。。

我仲记得我当时话俾屋企人我想读书时，妈妈倒无乜嘢，老豆就唔系咁想我读，老豆喺一个工人，文化唔高，初中都好似未毕业，比较老派嘅思想，佢单独同我倾咗几次，佢始终认为成万蚊读一个大专，唔值，几时先可以搵到咁多钱，做一个厨师，或者去学车，做一个送货嘅司机，稳稳定定唔系几好咩，再唔系就自己搞大排档，卖盒仔饭咯，讲到最后老豆问我“咁你喺唔喺想做一个白领？” 我唔记得咗我答乜啦，总之老豆知道我一定要读书啦，讲都无用，所以就无再讲落去。

过咗5年，我读完大专，读完本科。学校教嘅嘢学唔到，但是我学会用电脑，打字，聊QQ。。。可以比较理性咁分析每样事物，唔会好似以前咁冲动，意气用事，乱发脾气，呢五年真喺改变咗我好多，特别是06 07年，大专毕业后出黎做嘢，撞板多，学到越多！！