杨桃公园烧烤

公司发咗活动经费，全职有50蚊，兼职有25蚊。几个班长决定去杨桃公园烧烤。下午2点半左右我就出门口啦，因为路程都比较远啊！我喺车站等车嘅时候就知道“今次仆街咯！咁热嘅天气烧烤，中暑都有份啊！”终于等到车嚟啦，喺549，总算叫咗可以叹下冷气。

中途周金凤俾过两次电话我，两次都因开车时太吵而没有接到。第一次未接听我打返俾去，第二次我就无，因为我知道条傻婆主要都系讲已经到咗杨桃公园，同埋唔记得买水，要我买埋水先入去。去到549总站，估唔到杨桃公园同总站相隔只系几十米，搞到我仲要问人点去杨桃公园，真喺搞笑！

去到杨桃公园门口，问题又出现了，我是应该自己买票入去然后再报销，定喺打电话俾小莉或者Gary，叫佢地接我入去呢？好在喺我仲未揸定主意果时，一位兼职出现，咁我就打算买票入去先，之后再报销咯。
售票嘅阿姨话“五蚊一张票”
我记得门票只需要4蚊，咁就问阿姨“唔系四蚊咩”
阿姨就问我“喺唔喺烧烤的？”
我话“喺。”
阿姨就讲"之前有一班烧烤嘅人买咗30张票，唔知而家用晒未？”
咁我就同果位兼职打电话俾华哥，华哥叫我哋喺门口等几分钟，好快就接我哋入入去。几分钟后有见到李薇，原来我哋都不约而同俾咗电话华哥，几分钟过后，华哥同埋林阳出现了，原来佢地之前唔记得买水，而家出嚟买水同饮料，仲有玉米，茄子等。

我哋帮手将买嘅嘢搬入烧烤场，见到成班人都喺晒度，有D准备开炉，有D就玩紧PSP同埋玩紧牌。我接手玩咗一阵就开始烧烤，烧烤无非就系果几样，鸡翅，牛丸，蟹丸，茄子，玉米，奶黄包，肠仔。鸡翅仲要喺买咗未腌制的，味道有D淡。其他的味道都系麻麻地。不过唔使我俾钱都有得食咁就算啦！食完之后，有D人打算去唱K，我其实都想去，但是我哋班就无边个想去，所以我都无去唱K。

另外烧烤过程中，我觉得陈同杨两个之间关系更加暧昧，其实亦不是第一次是有这样的感觉，之前在工作中亦觉得他们之间举动非常暧昧。佢地咁样有时令到我有时都几尴尬！