2007年6月10日隨筆

6月10日凌晨1點 雨

雨水滴落嘅聲音令我久久不能入睡，心煩！！！重新打開電視，希望可以不知不覺間再次入睡，無意中轉到中央六臺重播《東邪系毒》。王家衛的電影一向俾人一種深不可測嘅感覺，老實講，我嘅水平有限，《花樣年華》《2046》一D都睇唔明，《阿飛正傳》有少少明，都喺因為幾場含蓄嘅床上戲，同經典嘅對白，例如無腳嘅雀仔；X年X月X日五十六分，呢一分鐘喺永遠屬于我同你，呢個喺改變唔到嘅事實。

而令我印象最深嘅都算喺呢部《東邪西毒》，唔喺因為我明白王家衛導演每句深奧對白后面所表達現代人各種唔同嘅情感，而喺因為電影中每個人物都耳熟能祥，東邪黃藥師，西毒歐陽峰，我細細個就熟悉嘅名字。
我大概小學三，四年級就看金庸小說。每逢放假，其他同學多數在街上玩，我就獨自坐在家里那張小小嘅木凳上睇小說，日日如是，基本上整個假期都喺咁樣渡過。多年后，我嘅小學同學回憶起當時情況，曾懷疑我有自閉癥。更估唔到而家的我談笑風生，與以前的我木木獨獨不可同日而語。

我睇書嘅速度都算比較快，平均一日就睇三，四百頁。有時更加連晚上睡觉都唔放過。當然，我喺用被子蓋住頭，手拿電筒偷偷地睇。多次被媽媽發現，亦毫無悔意。咁亦唔怪得我，金庸嘅小說每到一d打斗場面（例如張無忌光明頂大戰六大派)往往一氣呵成，如果我唔睇完呢部分，我會周身唔自在。

但真喺有d慚愧，雖然小時候就睇咁多小說，但到而家我寫作水平依然未有提高，呢個亦是我堅持寫blog嘅原因，寫blog嘅好處之一就喺將你凌亂嘅思維重新整理，然后用文字清晰地，有條理地表達出黎，加深你事物嘅了解和認識。講真，我覺得寫blog后嘅我比寫blog前嘅我聰明，至少我自己喺咁認為的。